හදවතේ රිද්මය

Thursday, April 26, 2012

Tuesday, September 7, 2010

වඳවී යාමට ඔන්න මෙන්න කියා සිටින මේ සොඳුරු සත්ත්වයා ඉන් බේරා මතු පරපුර වෙනුවෙන් ආරක්‍ෂා කිරීම සඳහා චීන රජය පියවර රැසක් ගෙන ඇත. යෝධ පැන්ඩාවන් සංරක්‍ෂණය කිරීම සඳහා වන පෙත් වෙන් කෙරුණු අතර උන් පිළිබඳව පුළුල් ලෙස අධ්‍යයනයක් ද සිදු කෙරින. එම අධ්‍යයනය ප්‍රයෝජනයට ගෙන ගන්නා ලද පියවර නිසා අදවන විට චීනයේ යෝධ පැන්ඩා ගහණය වර්ධනය වෙමින් පැවතීම වන සත්ත්ව ලෝලීන් ගේ සතුටට කරුණකි.

ජාත්‍යන්තර ප්‍රජාවගේද සහාය ඇතිව මෙම ක්‍රියාදාමය ඉදිරියට ගෙන යාම සඳහා "Project Panda" නම් ව්‍යාපෘතිය මගින් එම ව්‍යපෘතියට සම්බන්ධ වීම සඳහා කැඳවන ලද අයදුම් පත් 30,000 ක් අතරින් 60 දෙනෙකු තෝරා ගෙන ඇති අතර ඡන්ද විමසීමක් මඟින් මෙයින් 12 දෙනෙකු තෝරා ගැනීමට නියමිතය. මෙම 60 දෙනා අතරට ශ්‍රී ලාංකිකයෙකු ඇතුලත් වී සිටීම අපට සතුටකි.

මෙම 60 දෙනා අතරට ඇතුලත් වී ඇති ඉරුෂිණී රුවන්ති වෙදගේ මෙනවියට අවසන් 12 දෙනා අතරට ඇතුලත් වීම සඳහා ඔබගේ ඡන්දය ඇයට ලබා දෙන්නේ නම් ශ්‍රී ලාංකිකයෙකු මෙම වැඩ සටහනට ඇතුලත් කීරීමට ඔබටත් දායක විය හැක.

ඡන්දය ලබා දීම සඳහා පහත Link එක click කරන්න

http://www.pandahome.com/en/60players_detail.php?id=20

Sunday, July 18, 2010

ඔබ ආයෙමත් ඇවිදින්

අපිට ඉතිං කොයි තරම් වැඩ තිබුනත් අපිට තියෙන සිංදු අමාරුව ඇරෙන්නේ නෑනෙ. එහේ මෙහේ ඇවිද ඇවිද ඉන්නකොට කාලෙකට පස්සේ ලස්සන සිංදුවක් ඇහුනා. ඉතිං සේරම වැඩ පැත්තකින් තියල ඒකේ එල්ලුනා. කොහොම හරි මට හිතුනා මේක කා එක්ක හරි බෙදාගන්න. සිංදුවට chords දැම්ම හරිද මන්ද.. සිංදුව අහල බලන්නකෝ....

සිංදුව අහල බලන්න

F....C7..... F
ඔබ ආයෙමත් ඇවිදින්
...Dm..Gm...C... F
හිත හදා ගත්තා විතරමයි
....C....C7.....F
ඔබ ආයෙමත් ඇවිදින්..

F......Dm....Bb.....Gm......F
උන්නුදා පෙර අත පොවන්නට බැරිදුරින්
C..................C7....F
නින්ද මට නැති දවස් තිබුනද කොයිතරම්
.......Gm....C........F
නුඹ නොදැක සිටි දිගු කාලයේ
....C.....C7....F
හිත හදා ගත්තා විතරමයි
..C...........F
ඔබ ආයෙමත් ඇවිදින්..

දෑස අගමල් පිපී සැලුනත් කොයිකරම්
එක මලක්වත් සුවද නැති විය ඔබ තරම්
නුඹ නොදැක සිටි ඒ කාලයේ
නෙත කදුළු මැකුනා විතරමයි
ඔබ ආයෙමත් ඇවිදින්..

වැරැද්දක් තියේ නම් කියන්න

Friday, February 6, 2009

බුදු අම්මෝ ලිනක්ස්......

බ්ලොග් එකක් ලියන්න කියල පටන් ගත්තට මොකද සෑහෙන දවසක් යනකම් මොකවත් ලියන්න බැරිවුනා මේ වැඩ නිසා. ඒත් රටේ යුද්ධය ඉවර වෙලත් මට කරන්න වෙලා තියෙන යුද්ධයට ලොකාධාරයක්වත් ගන්න හොඳම වෙලාව මේක තමයි කියල හිතුන හින්ද අද ඉඳන්වත් ‍මගේ යුද්ධෙ ගැන ලියන්නයි යන්නේ.

අපේ හමුදාව ත්‍රස්තවදීන්ගෙන් රට බේර ගනිද්දි රටේ සල්ලි තොගපිටින් රට පටවන ලයිසන් මෘදුකාංග කාරයින්ගෙන් අපේ මිනිස්සු බේරගන්න ඕන තරම් කට්ටිය ඉන්න හින්දා මට මේ යුද්ධෙ කරගෙන යන්න ලේසිවෙයි.

මමනම් ලිනක්ස් ගැන ගොඩාක් දැනුම තියෙන කෙනෙක් නෙමේ.. ඒත් අපේ අමාත්‍යාංශය ඇතුලේ දැනට පාවිච්චි කරන MS වෙනුවට උබුන්ටු පාවිච්චියට පුරුදු වෙමු කියල අපේ Boss කිව්වා. මේක තනිකරම එයාගේ අදහසක් තමයි. ලයිසන් මෘදුකාංගවලට අපි වියදම් කරන සල්ලි කාන්දරාවත් ඒවායින් අපි ගන්න වැඩ ගැනත් හිතපුවාම අනේ අපෝයි කියල හිතෙනවා . ඒක හින්දා මමත් ඉතිං බැරිමරගාතේ මේ වැඩේ කරගෙන යන‍වා. වැ‍‍ඩේ කියන්නෙ මේකෙ ඉන්න හනමිටි කාරයො ටිකට මේක තේරුම් කරන එකනෙ අමාරු. හනමිටි කාරයො කිව්වට ‍අපි වගේ නෙමෙයි බොහෝම උගත් උදවිය තමයි ඉන්නේ. හැබැයි ලිනක්ස් කිව්වොත් බුදු අම්මෝ කියල තමයි කියන්නෙ..

කොහොම වුනත් සුධීර මල්ලි ඇතුළු අපිට උදව් කරන කිපදෙනෙක් ඉන්නවා. ඒත් ඒ අයට හැම වෙලේම කරදර කරන්න බෑනෙ. ඒ හින්දා මට හිතුනා මේ පාරෙන් යන්න..

මුලින් මේ අයට මේකේ වටිනාකම තේරුම් කරල දෙන්න ඕන.. ඒ එක්කම මේ උබුන්ටු භීතිකාව නැතිකරගන්නත් ඕන. අපේ සමහර අය උබුන්ටු තියා "OS" එකක් කියන්නේ මොකක්ද කියලවත් දන්නේ නෑනෙ. ඒ හින්දා මේ ගැන මුල ඉඳලම පැහැදිළි වෙන විදියට මොනව හරි කරන්න ඕන.

ඒක හින්ද මේ වැඩේ හරියට කරගන්න පුළුවන් විධියට ලියවුණු ලියුම් මොනව හරි තියෙනවානම් මට තැපෑලක් දාන්න ඔබට පිං .....

මගේ තැපෑල upendrablog@gmail.com

Tuesday, December 2, 2008